I Love You Poems for Girlfriend: Poems for Her
“Mere Liye Tum Kaun Ho?? ”
kaise batau main tumhe mere liye tum kaun ho
kaise batau..
kaise batau main tumhe tum dhadkanon ka git ho
jivan ka tum sangit ho
tum zindagi tum bandagi tum roshni tum taazgi
tum har khushi tum pyaar ho tum prit ho manmit ho!!
Aankhon me tum yaadon me tum saanson me tum aahon me tum…
Nindon me tum khwaabon me tum
tum ho meri har baat me tum ho mere din raat me..!
Tum subaah me tum shyaam me tum soch me tum kaam me..!!
Mere liye paana bhi tum mere liye khona bhi tum
mere liye hasna bhi tum mere liye rona bhi tum
aur jaagna sona bhi tum..!
Jaaun kahin dekhun kahin tum ho vahan, tum ho vahin
kaise batau main tumhe
Tum bin to main kuch bhi nahin..
Kaise batau main tumhe mere liye tum kaun ho
kaise batau…..??
Yeh jo tumhaara rup hai yeh zindagi ki dhup hai
chandan se tarasha hai badan..
Behti hai jis me ek agan
Yeh shokhiyaan yeh mastiyaan tumko hawaaon se mili…!
Zulfein ghataaon se mili
honton me kaliyaan khil gayi
Aankhon ko jhile mil gayi..!
Chehre me simti chaandni aawaaz me hai raagini
shishe ke jaisa ang hai phulon ke jaisa rang hai
nadiyon ke jaisi chaal hai..!kya husn hai kya haal hai
yeh jism ki ranginiyaan jaise hazaaron titliyaan…
baahon ki yeh golaaiyaan Aanchal me yeh parchhaaiyaan
Yeh nagriyaan hai khwaab ki
kaise batau main tumhe haalat dil-e-betaab ki
kaise batau main tumhe mere liye tum kaun ho
kaise batau….?.?
Kaise batau kaise batau main tumhe mere liye tum dharm ho
mere liye imaan ho tum hi ibaadat ho meri
tum hi to chaahat ho meri tum hi mera armaan ho..!
Love Poems for Her: 50 Cute Romantic Poems From The Heart
Takta hun main har pal jisse tum hi to voh tasvir ho
tum hi meri taqdir ho
tum hi sitaara ho mera tum hi nazaara ho mera..!
Yudhyaan me mere ho tum jaise mujhe ghere ho tum
purab me tum pachhim me tum utar me tum dakshin me tum..!
Saare mere jivan me tum
Har pal me tum
Har chir me tum
mere liye rasta bhi tum mere liye manzil bhi tum
mere liye saagar bhi tum mere liye saahil bhi tum..!
Main dekhta bas tumko hun main sochta bas tumko hun
main jaanta bas tumko hun main maanta bas tumko hun
tum hi meri pehchaan ho
kaise batau main tumhe devi ho tum mere liye..!
Mere liye bhagwaan ho..!
Kaise batau main tumhe mere liye tum kaun ho
kaise batau
Kaise Batau??
Written From Heart
By
“Ash-Wins”
For someone Special.
“ASH-WINS Ki Syaahi Se Dil Ki Baat “
KISI KO AAP ITNA CHAHTE HAIN;
KI USKI CHAHAT AAP KI PRERNA BAN JATI HAI.. !!
MAN PRAFULLIT REHTA HAI…..
MAN PRAFULLIT REHTA HAI….
YEH JAAN KE…
KI AAP KE PRERNA KA STROT AAP KE JEEVAN KA EK ABHEENN ANG HAI;
AAP KE JEEVAN KI UMANG HAI..!!
KYU KI…
KYU KI USKI YAAD ME HAR PANKTIYAN …
AAP KI VICHARNAA BAN JATI HAI…!!
Written From Heart
By
“Ash-Wins”
For someone Special